ജീവിതത്തിന്റെ നല്ലകാലം മുഴുവന് ഹോമിച്ച് ഒരു
തൊഴിലാളി,അവന്റെ രക്തം വിയര്പ്പാക്കി
സ്വരുക്കൂട്ടിവെക്കുന്നതാണു പ്രോവിഡന്റ് ഫണ്ട്.
അതെടുത്താണിപ്പോള് നമ്മുടെ നാണം കെട്ട
സര്ക്കാര്,അനില് അംബാനിക്കും,ഐസിഐസിക്കും
എച്.എസ്.ബി.സിക്കുമൊക്കെ അമ്മാനമാടാന്
കൊടുക്കുന്നത്!!ഇതനുവദിക്കാമോയെന്ന് നിങ്ങള്ക്ക്
തോന്നുന്നുണ്ടോ കൂട്ടരേ?
ഒരു സാധാരണ തൊഴിലാളിയുടെ സ്വപ്നങ്ങള്ക്ക് നിറം
പകരുന്നതാണു തന്റെ പി എഫിലെ സമ്പാദ്യം.
മകളെ കെട്ടിച്ചയക്കാന്,അല്ലെങ്കില് ഒരു കിടപ്പാടം
പണിയാന് അങ്ങനെയങ്ങനെ...
ആ സ്വപ്നങ്ങള്ക്കു മീതെ നിന്നാവും അനിലും
കൂട്ടരും ഈ കാശെടുത്ത് ഓഹരിക്കച്ചവടത്തില്
കളിക്കാനിറങ്ങുക!!
നഷ്റ്റം വന്നാല് ആര് സമാധാനം പറയും?
നിങ്ങളൊര്ക്കുന്നുണ്ടാവും,സര്ക്കാര് വീഴുമെന്ന
ഘട്ടത്തില് നടന്ന എം.പി മാരുടെ കുതിരക്കച്ചവടം!!
അന്ന് പണം വാരിയെറിഞ്ഞത് അംബാനിമാരാണെന്നത്
വസ്തുത.ആ പണവും പക്ഷെ അവര് അമ്മാത്ത് നിന്ന്
കൊണ്ടുവന്നതല്ല.പല വിധത്തിലുമുള്ള നികുതിയിളവുകളിലൂടെ
സര്ക്കാരിനെ വെട്ടിച്ച കാശ്!!അങ്ങനെ ആരാന്റെ
കാശെടുത്ത് അമ്മാനമാടിക്കളിച്ച ആളുകളെ ഈ
വിയര്പ്പും രക്തവും മണക്കുന്ന കാശ് കയ്യാളാന്
അനുവദിക്കേണമോ?പിന്നെന്തിനാണു കൂട്ടരേ
നമുക്കൊരു സര്ക്കാര്!!
ഈ സ്വകാര്യവല്ക്കരണത്തിനെതിരെ ഞാനെന്റെ
ശക്തമായ പ്രതിഷേധം ഇവിടെ രേഖപ്പെടുത്തുന്നു.
Saturday, August 2, 2008
പ്രതിഷേധിക്കു പ്രതിഷേധിക്കു ......
Friday, August 1, 2008
വരൂ കഴിക്കൂ ,മുസ്ലി പവര് എക്സ്ട്രാ
ഷാജികൈലാസ് -സുരേഷ് ഗോപി പടത്തിലെ പോലെ
അശ്ലീലമായൊരു ആംഗ്യവും കാണിച്ചുനിക്കുന്നത് നമ്മുടെ
ബഹുമാനപ്പേട്ട പ്രധാനമന്ത്രിയാണ്.ഞാന് ലജ്ജിക്കുന്നു
ബൂലോകരേ...
ഇയാള് കാണിക്കുന്നത് എന്താണെന്നു ഇയാള് അറിയുന്നുണ്ടോ
ആവോ?
ഗ്രീക്ക് പുരാണങ്ങളില് പുരുഷ ഉര്വരതയുടേ പ്രതീകമായ
ഒരു ദേവനുണ്ട്,ആമോണ്.മുട്ടനാടിന്റെ തലയും
മനുഷ്യ്ന്റെ ഉടലുമുള്ള ഒരു ദേവന്!!
ആമോണിന് വളഞ്ഞ ഇരട്ടകൊമ്പുകളാണ്.
ആമോണിനെ സൂചിപ്പിക്കാന് അതായത്
പുരുഷ ലൈംഗിക ശക്തിയെ കാണിക്കാനുപയോഗിക്കുന്ന
ചിന്ഹമാണത്.മുസ്ലിപവര് എക്സ്ട്രായുടെ
പരസ്യത്തിന് പറ്റും!!
എന്താണിയാള് ഇതിലൂടെ നമ്മോട്
പറയാന് ശ്രമിക്കുന്നത്?എനിക്കിപ്പോഴും
ഒരങ്കത്തിന് ബാല്യമുണ്ടെന്നോ?
അതാണെങ്കില് വീട്ടിക്കെള്ക്കാന് മാത്രം
പറഞ്ഞാല്പ്പോരെ?ഇങ്ങനെ ഒരു രാഷ്ട്രത്തെ
മുഴുവന് ഇളിച്ചുകാട്ടണോ?
അല്ലെങ്കിലും ഒരു മദാമ്മ അടുത്തിരിപ്പുണ്ട്
എന്ന വിചാരമെങ്കിലും വേണ്ടേ?
ഛായ്!!ലജ്ജാവഹം!!!!!!!!!!!!!