ഒരവധിക്കാലം കൂടി വരുന്നു,പക്ഷേ വളരെ പതുക്കെ
നിറങ്ങളുടെ മേളങ്ങളില്ലാതെ..ആരവങ്ങളില്ലാതെ!!
ഞാനെന്റെ മക്കളോട് ചോദിച്ചു..ഈ വെക്കേഷനു എന്താ
പരിപാടി..?തലയാട്ടിക്കൊണ്ട് അവരു പറയുകയാണു,എന്തു പരിപാടി,
കുറേ പുതിയ ഗെയിംസ് വന്നിട്ടുണ്ട്,അതൊക്കെ ഡൌണ്ലോഡ്
ചെയ്യണം,കളിക്കണം,അല്ലാതെന്താ..
ഒരു പുഴയില് ,വെള്ളത്തില് ശ്വാസം മുട്ടുന്ന വരെ മുങ്ങി
കിടക്കണമെന്നോ,കൂട്ടുകാരന്റെ തോളില് കയറി
പിന്നോക്കം മറിയണമെന്നൊ അവര്ക്കാഗ്രഹമില്ല!!!
ഞാവല് മരത്തി കയറി ഞാവല് പഴം പറിച്ച് തിന്നിട്ട്,
ഒരു ചോരച്ചിരി ചിരിക്കാന് അവര്ക്കാഗ്രഹമില്ല!!!
രാത്രി കുളം വറ്റിച്ച് മീന് പിടിക്കുമ്പോ..നിലാവില് പുളയുന്ന
കണ്ണനേയും വരാലിനേയും കാണണമെന്നു അവര്ക്കു
തോന്നുന്നില്ല!!!!
ഞാനിതൊക്കെ പറയുമ്പോ അവര് ചിരിക്കും,ഉമ്മാക്ക്
പുഴ കാണണൊ?അത് നമുക്കിവിടെ ഉണ്ടാക്കാം
ഒരു വിര്ച്വല് പുഴ,ഒരു വിര്ച്വല് ഞാവല് മരം
ഒരു വിര്ച്വല് നിലാവും!!!!
എനിക്ക് കരയാന് തോന്നും.
Wednesday, March 25, 2009
അങ്ങനെ ഒരവധിക്കാലത്ത് ......
Saturday, March 14, 2009
എന്തേ ഈ ആളുകള് ഇങ്ങനെ ....?
ഇന്നത്തെ മാധ്യമം പത്രത്തില് ഒരു വാര്ത്തയുണ്ട്.എന്റെ നെഞ്ഞു പൊള്ളി..
വര്ക്കല:ബൈക്കപകടത്തില് പെട്ട യുവാവ് ആളുകള് നോക്കി നിക്കെ
രക്തം വാര്ന്നു നടുറോട്ടില് കിടന്നു മരിച്ചു.ഷെറിന്(22),ഓടിക്കൂടിയ
ആരും ആ യുവാവിനെ ആശുപത്രീല് കൊണ്ടുപോവാന് തയ്യാറായില്ലത്രെ!!
അപകടം നടന്നയുടന് ,ജംഗ് ക്ഷനിലെ ടാക്സി സ്റ്റാന്റിലുണ്ടായിരുന്ന കാറുകള്
പൂട്ടി ഡ്രൈവര്മാര് സ്ഥലം വിടുകയും ചെയ്തു!!!!
എന്തേ നമുക്ക് പറ്റിയത്...?എവിടെ നമ്മുടെ ആ പഴയ മനസ്സും,സ്നേഹവും മറ്റും..
എവിടെ വെച്ച് എങ്ങനെ അതൊക്കെ കൈമോശം വന്നുപോയ്..?
മരണ സമയത്ത്..മരണവേദനയേക്കാള് ..ഒരുപക്ഷേ ആ യുവാവിനെ
വേദനിപ്പിച്ചതും അതുതന്നെ ആയിരിക്കില്ലേ..?ആ സമയത്ത് വല്ലാതെ ഒറ്റപ്പെട്ടുപോയിട്ടുണ്ടാവും
അവന്...ഒന്നു യാത്രാമൊഴി ചൊല്ലുവാന് പോലും ആരുമില്ലാതെ....
Subscribe to:
Posts (Atom)